آدرش (رسالو): مارڪسزم ۽ سوشلزم جي پرچار لاءِ شروع ڪيل هيءُ رسالو، 2004ع کان 2008ع تائين عاصم آخوند جي ادارت هيٺ حيدرآباد سنڌ مان جاري ٿيو. هن رسالي ۾ عاصم آخوند، روس جي ٽٽڻ کان پوءِ مارڪسزم جو نه صرف دفاع ڪيو پر مارڪسي نظرئي سان پنھنجي دؤر ۽ سنڌ جي حالتن جي، تخليقي ۽ ٺوس انداز ۾ تشريح پڻ ڪئي، جنھن جي نتيجي ۾ مختلف جاين تي پورهيت منظم ٿيا ۽ سنڌ اندر کاٻي ڌر جي سياست کي ٻيھر اسرڻ جو موقعو مليو. عاصم آخوند جي وفات کان پوءِ هيءُ رسالو ٽه ماهي ’سماجواد‘ جي نالي سان شايع ٿيندو رهيو آهي.